Պատվաստում | Միֆեր և Փաստեր

Կորոնավիրուսի դեմ պայքարը հնարավորնիս մեղմացնելու երևի թե միակ եղանակը պատվաստումն է։ Մի տեղում ենք հավաքել վերջին ամիսներին քննարկվող միֆերը և փաստերը պատվաստանյութերի վերաբերյալ։

Միֆ 1․ Ինձ պատվաստանյութ պետք չէ: Ես արդեն վարակվել եմ:

ՓԱՍՏ. Վարակված անձինք ևս անձեռնմխելի չեն վարակի հանդեպ։ COVID-19-ի հետ կապված առողջության լուրջ ռիսկերի և COVID-19-ով վերավարակի հնարավորության պատճառով մարդկանց խորհուրդ է տրվում անցնել COVID-19 պատվաստում, նույնիսկ եթե նախկինում վարակված են եղել: Օրգանիզմի կողմից ստեղծված հակամարմինները կարող են երկար ազդեցություն չունենալ և որոշ գիտնականներ կարծում են, որ պատվաստանյութը ավելի լավ է պաշտպանում օրգանիզմը կորոնավիրուսից, քան բնական եղանակով արտադրված հակամարմինները:

ՄԻՖ 2․ Գիտնականները շտապեցին պատվաստանյութերը պատրաստելու գործում, ուստի այն ո՛չ անվտանգ է, և ո՛չ էլ արդյունավետ:

ՓԱՍՏ. Կան բազմաթիվ պատճառներ, թե ինչու են COVID-19 պատվաստանյութերն այդքան արագ մշակվել:

Ահա դրանցից մի քանիսը.

• Pfizer / BioNTech-ի և Moderna-ի COVID-19 պատվաստանյութերը ստեղծվել են այն մեթոդով, որը մշակման փուլում է եղել տարիներ շարունակ, ուստի ընկերությունները պատվաստանյութերի մշակման գործընթացը կարող էին սկսել համաճարակի սկզբից:
• Պատվաստանյութերը մշակողները չեն շրջանցել փորձարկման որևէ քայլ, բայց կատարել են որոշ քայլեր համընկնող գրաֆիկով ՝ տվյալների ավելի արագ հավաքման համար:
• Պատվաստանյութերի նախագծերը շատ ռեսուրսներ ունեին, քանի որ կառավարությունները ներդրումներ էին կատարում հետազոտությունների մեջ և (կամ) նախապես վճարում պատվաստանյութերի համար:
• COVID-19 պատվաստանյութերի որոշ տեսակներ ստեղծվել են RNA (mRNA) օգտագործմամբ, ինչը թույլ է տալիս պատվաստանյութերը պատրաստելու ավանդական եղանակի համեմատ ավելի արագ մոտեցում ցուցաբերել:
• COVID-19 պատվաստանյութերի հետազոտության գործում մեծ ներդրում ունեցավ նաև կամավորների ներգրավվածությունը պատվաստանյութի փորձարկման շրջանում:
• Պատվաստանյութերի արտադրությունը սկսվել էր հենց սկզբից՝ վարակի բռնկման պահերից, նույնիսկ FDA-ի՝ պատվաստանյութերի գործածության թույլտվությունից առաջ, ուստի պատվաստանյութերը, եթե ոչ ամբողջովին, ապա որոշ չափով պատրաստ էին, երբ արդեն կար թույլտվություն։

ՄԻՖ 3. COVID-19-ի համար պատվաստումը կարող է հանգեցնել COVID-19 վարակմամբ

ՓԱՍՏ. COVID-19 պատվաստանյութը չի կարող և չի վարակի COVID-19-ով: COVID-19 պատվաստանյութը չի պարունակում SARS-CoV-2 վիրուս, ուստի պատվաստանյութից չեք կարող ստանալ COVID-19: Սպիտակուցը, որն օգնում է Ձեր իմունային համակարգին ճանաչել և պայքարել վիրուսի դեմ, ոչ մի տեսակի վարակ չի առաջացնում:

ՄԻՖ 4. COVID-19 պատվաստանյութը ներթափանցում է բջիջներ և փոխում ԴՆԹ-ն:

ՓԱՍՏ. COVID-19 պատվաստանյութերը նախատեսված են օգնելու Ձեր մարմնի իմունային համակարգին պայքարել կորոնավիրուսի դեմ: COVID-19 պատվաստանյութերի երկու առաջին տեսակներից MRNA(ՄՌՆԹ-ն) իսկապես ներթափանցում է բջիջներ, բայց ոչ այն բջջային կորիզը, որտեղ ԴՆԹ-ն է: MRNA-ն խթանում է բջջի սպիտակուցների ստեղծմանը, այնուհետև քայքայվում է ՝ առանց Ձեր ԴՆԹ-ի վրա ազդելու:

ՄԻՖ 5. COVID-19-ի համար պատվաստվելուց հետո ես կարող եմ դադարեցնել դիմակս կրելը և կորոնավիրուսի նախազգուշական միջոցներ ձեռնարկելը:

ՓԱՍՏ. Պատվաստված անձիք դեռ պետք է շարունակեն պահպանել կանխարգելման նախազգուշական միջոցներ ձեռնարկել: Շարունակե՛ք կրել Ձեր դիմակը և պահպանել 1,5 մետր սոցիալական հեռավորությունը։ Պատվաստանյութերը չեն չեզոքացնում կորոնավիրուսի ներթափանցումն օրգանիզմ, այլ օգնում են պայքարել դրա դեմ:

ՄԻՖ 6․ Բնականից լավը չկա․ մենք չպիտի օտարածին մարմիններ ներարկեն մեր օրգանիզմ։

ՓԱՍՏ․ Բնականը լավ է, բայց ոչ միշտ։ Այն մանրէները, որոնցից պաշտպանում են պատվաստումները բնության մի մասն են, բայց վնասակար են։ Սակայն պատվաստանյութերը պատրաստվում են բնական նյութերից, որոշներն անգամ փոփոխության ենթարկված կենդանի մանրէներից, ուստի չեն կարող հիվանդություն առաջացնել։ Պատվաստանյութերը օգնում են մեզ պայքարել վարակի դեմ առանց վարակվելու։

Դեռ պարզ չէ, արդյոք COVID-19- ի դեմ պատվաստված մարդիկ դեռևս կարող են կրել և փոխանցել վիրուսը, նույնիսկ երբ իրենք չեն հիվանդանում: Ուստի շարունակե՛ք պահպանել հակահամաճարակային կանոնները։